No que ves, está o que somos?
Ao 100%. Cada detalle que atopes ao longo desta páxina serán pinceladas do que nós somos, reflectidas a través deste proxecto. Nada é aleatorio e cada cousiña ten a súa historia atrás. Queres coñecela?
Por que somos o que ves
Neste proxecto poñemos parte da nosa esencia, das nosas paixóns, da nosa experiencia e, en gran medida, dos nosos medos tamén.
Comecemos polo máis básico: por que as cores que estás vendo son as que son? Repetimos: ningún detalle é aleatorio.
Todo vén dunha explicación moi profunda. Especialmente, do máis profundo que coñecemos. Do mar.
O azul é unha cor moi usada e que lle gusta a (case?) todo o mundo. Un dos motivos que ás veces nos apartou de escollela. Pero ao mesmo tempo, a cor do ceo e do mar. É lóxico que guste a todas. A quen non lle gusta o azul? A quen non lle gusta o mar? A nós si. E nunha vida que nos levou a sentirnos bichos raros en moitos aspectos da nosa vida, queremos abordar este proxecto como unha reconexión co que é normal. Co que todas vivimos. Co que a todas nos gusta tamén. Por iso é azul a nosa cor corporativa.
Tamén porque a auga en todas as súas formas nos evoca todo o que isto é. Adaptativa e ao mesmo tempo libre para facer o que queira. Mar, chuvia, xeo. A auga no vaso, esbarando pola ventá, nas ondas do mar. Así como cercana. Quen de por aquí non sinte a auga como parte do seu ser? Como algo vital?
E o azul é oscuro, porque en realidade así somos nós tamén. Non tería sentido poñer unha cor luminosa cando son cores que é moi raro que nós teñamos preto de nós. Non nos inspiran como os tonos escuros o fan.
A elección da cor branca non ten tanto percorrido. Queriamos darlle protagonismo á nosa cor elixida e quitar o ruído. Deixar sitio para a calma e a creación. Deixar o oco para que o resto teña espazo e razón de ser.
OCO é, polo tanto, un recipiente para conseguir todo o demais. Un lienzo en branco no que poderemos pintar o que nos veña á mente. É mar, é forza, é creatividade. Pero, sobre todo, é un espazo no que as túas ideas combinadas coas nosas se xuntan para crear.
FALAMOS?
